ازياء جلد النمر 2013 - موضة جلد النمر 2013 - فساتين تايقر 2013

يامرحبا بكل جميلات عضوات تعب قلبي !

اليوم عاد رح اتكلم لكم عن شي اعشقه بكل جوارحي !
الا وهو النمور والفهود .. اموت عليهم واتمنى يكون عندي فهد

نبدا في موضوعنا ~
رح اتكلم عن موضه جلد النمر والفهد والفرق بينهم وركزوا على الفرق بينهم !!
لانه اعرف انه اغلبكم يسمي نقشه الفهد بالتايقر ( النمر ) وهذا غلط ,, لانه هذا شي وهذاك شي اخر
فإنشاء الله رح يبين الموضوع الفروقات بينهم ,, وتاريخ هالنقشه في خطوط الموضه
و انتشارها وشعبيتها بشكل كبير !

بإسم الله نبدأ ..

~ ~

في البدايه خلونا نعرف الفرق بين هذي النقشات ,, عندنا :

الفهد الصياد ( Cheetah ) - النمر ( Tiger ) - الفهد ( Leopard )







جلود الحيوانات استخدمت منذ القدم لغرض الدفئ والحمايه وبعض الشعوب عندها اعتقادات انه اذا لبست جلد لحيوان معين فأنت بهذي الطريقه تسخر لنفسك قوه هذا الحيوان او تستمد القوه منه !
( والله انا احس اني فهده قويه وجذابه لما البس نقشه الفهد ! )

كانوا الملوك والأثرياء يستخدمون سجادات بنقوش الفهود والنمور مما يرمز للمكانه العاليه . و لو تلاحظون انه دائما الملوك الأفريقين يلبسون جلود هذه الحيوانات وهذا الشي يرمز للقوه والمكانه المرموقه .

نحن نلبس ملابس بنقشه الفهود حتى نبرز بين الناس ويكون شكلنا مميز وملفت الإنتباه وغير ولكن في الطبيعه الفهد يستغل هذه النقاط على جسمه حتى يتخبى بين الأشجار ليصطاد فريسته !


وسبحان الله ,, يوجد في الطبيعه حيوانات جلدها مثل الفهود والنمور ومنها /






وايضا لا ننسى هذه الزهره حيث اطلق عليها إسم Tiger Lily او Leopard Lily
بسبب النقاط عليها ولونها /






نقشه الحيوانات في الملابس اصبحت موضه مستمره طوال القرن العشرين
والمعروف عنها انها شيك و جذابه و فيها شراسه .. نقشه النمور والفهود بالذات تدل على
الأنثى القويه والشرسه والجريئه !


في فتره الأربعينات وماقبلها كانت نقشه الفهود تعني الرقي والشياكه وكانت القطع غاليه فلم يلبسها الا الأغنياء فكانت ترمز للثروه والمكانه الاجتماعيه المرموقه.





و كان من اهم المصممين ودور الأزياء المحبين لنقشه الفهود في الملابس في تلك الفتره هو كريستيان ديور وهذا بسبب إمرأه اسمها Mitzah Bricard
وهي تعتبر مصدر إلهام لديور في فتره الاربعينات حيث تميزت بتألقها وأناقتها الدائمه و عرفت بشغفها الكبير بنقشه الفهود .




وهذه صوره لها مع Christian Dior /




دور أزياء ديور يضم مصممه الشهير John Galliano حيث لازال يستمد الإلهام من تألق وشياكه
Mitzah Bricard ( ويقال انها فاريسيه )

حيث قاموا بتصميم مجموعات كثير لإحياء ذكراها ومن هذي المجموعات هي
The Resort Collection 2010








بالنسبه للمجموعه الاخيره ,, اذكر من زمان شفت مقابله لإليسا مع زاهي وهبي وكانت لابسه منها
الصراحه شي جدا مميز وروعه مزج الموف هذي الدرجه مع نقشه الفهد !



وايضا قاموا بعمل عطر ومجموعه مكياج بإسمها /




مجموعه المكياج هي limited edition تكريما لها ولحبها لنقشه الفهد وتتكون من ظلال العيون بنقشه الفهد !! و طلاء الاظافر بإسم Camel و Ebony
( الظلال من اول ماشفته من فتره انجنيت عليه بدور عليه يجنن ! )




نقشه الحيوانات اصبحت مشهوره في الولايات المتحده الأمريكيه في
فتره الستينات خلال الحركه البوهيمية



ولكن للأسف في العصر الحديث خلال السبعينات والثمانينات
وبسبب مغنين الـ punk والروك اصبحت هذي النقشه ترمز للإبتذال حيث كانوا
يلبسونها كملابس داخليه ولانجيري تحت ملابسهم الممزقة والرثه .




ومنذ ذلك الحين ونقشه الحيوانات انتشرت واصبحت موضه دائمه من الجدير بالذكر ان نقشه الفهود
ستظل دائما في خطوط الموضه .


كثير من كبار المصممين والماركات العالميه ادخلت نقشه الفهود في تصاميمهم ومن اشهرهم :

Roberto Cavalli




Prada




Dolce & Gabbana

بالنسبه للمنتشر اكثر والملبوس اكثر هو نقشه الفهد ,, نقشه النمر ماهي بقد مستوى الشهره والإنتشار
يعني اغلب الناس تلبس نقشه الفهد .
ومع اني اموت على نقشه النمر بعد بس احب نقشه الفهد اكثر احسها ارقى وافخم

ولكن للأسف الشديد مو بالسهل ايجاد قطعه لبس فخمه وانيقه بهذي النقشه
الاغلبيه في السوق اشكالهم رخيصه وبشعه ,, نادرا نلقى شي حلو

وغير عن كذا اكبر غلط الا كارثه ! لما الوحده تلبس مليون قطعه جلد فهد !!
حلق نقشه و شنطه نقشه و فستان نقشه و و و و
عاد هنا احس بأسى وجرح عميق !!
اتمنى ماحد يسمح لنفسه بمواصله هذه الكارثه بحق البشريه وبحق النمور والفهود !!


البسوا جلد الفهد مع الألوان الساده ,, ولا احلا ! بس مو احمر رجاء
خلاص صار قديم الاحمر مع جلد النمر - الفهد
سواء احذيه مناكير اي شي !

شوفي مثلا المناكير العنابي مع نقشه الفهد جدا راقيه ,, جربوها .

بالنسبه للملابس , جربي الأسود مع جلد الفهد - الكحلي - الأخضر الغامق
كلها روعه و اناقه

وايضا اشوف انه قطع جلد النمر والفهد ابدا ماتناسب الكل ! يبيلها كاريزما و جمال انوثي ولكن ناري !
يعني ابدا ماتناسب البنات الكيوت والناعمات وحتى ماتناسب ابدا ابدا البنات الصغار !!

و هذي النقشه يبيلها جسم - اناقه - جمال متوحش
ماينفع ابدا وحده ناعمه وهاديه وخجوله تلبس جلد نمر او فهد ! يعني بالذات هذي النقشه غير
عن كل شي . و بالأساس النمر والفهد حيوانات متوحشه ولاهي مسالمه وخجوله


ايضا اشوف انه انسب بكثير على بنت سمراء ولا احسه مناسب للشقر يعني يبيله بشره عربيه او افريقيه
ممكن يكون الاكثر محبين لها هم الافريقين و هم اللي يفضلونه كثير
ولو تلاحظون دائما المشاهير السمراوات هم يحبونه اكثر ويضبط عليهم اكثر
من امثال ريحانا وبيونسي

ولكن الجمال والملامح العربيه مناسبه للفهود والنمور جدا ,, بس مثل ماذكرت ملامح بارزه وشرسه
خل نقول مثلا ينفع لجمال مثل هيفا وهبي ! جمالها فيه توحش وشراسه
ولا ينفع مثلا على liv tyler لأن جمالها ناعم ورقيق


مثل ماذكرت مو بالسهل نحصل شي حلو ولكن حاولت اجد كم لوك جميل لجلد الفهد
نستعرضهم مع بعض ونشوف ..

الشنط ~



روعه مع الـشوز الأسود ,, راقي




اه ياقلبي
هذي الشنطه من فيندي
شفتها قبل سنه تقريبا عندهم وانجنيت انهوست كل شي صار فيني !
كانت بحدود الـ 9000
لكن ملمسها وشكله وحجمها اخخ بس !! I'm speachless






من برادا ,, نفس الحكايه انهبلت عليها لما شفتها في المحل بس مهي بقد جمال شنطه فندي


Shoes ~



OMG
يجنن ياناس !!




والحين شفتوا الفرق؟ هذي مثلا نقشه الـ cheetah وليس الـ leopard
وشفوا كيف طالعه انيقه مع الألوان الساده

ولا ننسى انه louboutin من محبين نقشه الفهود وله قطع كثيره منها





روعه ! شوفوا كيف مع الفستان والألوان شلون مناسب و حلو




beautiful
يازين جلد الفهد بس مع الـ ankle boots احبه اكثر شي
وبما انه شتاء الحين والـ ankle boots موضه فوش الأحلا لما تكون فهد؟؟
شوفوا كيف طالع يجنن مع البيج ؟ الوان زاهيه وراقيه
وعلى فكره نقشه الفهد - النمر ابدا مو حلوه مع اللون البني ! خلوكم على هذي الألوان احلا



حلو ,, بس مو واو .. ماحبيت انه متباعد عن بعض كثير واللون الفاتح غالب



نجي للملابس

انا اشوف انه هذي النقشات احلا في فصل الشتاء وعلى الملابس الشتويه
تعطي احساس كبير بالفخامه والدفئ بعد .. وعاده الفرو الأصلي طبعا غالي جدا
ولكن اكيد فيه العادي ومن ماركات مقبوله الأسعار وبأشكال وتمصاميم حلوه بس اهم شي
ندور زين ,, لان مثل ماذكرت مو سهل تلقى الفهد بشكل راقي وحلو



حبيت اللي على اليسار اكثر ,, مااحبه ابدا على ابيض او اللوان بس اكيد فيه احلى
من كذا بمراحل



اول واحد على اليمين ستايل روك نوعا ما ,, حلو و جدا stylish بس انا مو كثير احب الـ leather jacket

اللي في الوسط نقشه راقيه ولو تلاحظون مناكيرها عنابي فطالع elegant

الاخير وااااااو شوفوا كيف مازجه نقشه الفهد مع الأبيض بطريقه جدا راقيه !! اللبس كله يهوس
احب كثير اناقته ريحانا ,, مميزه بستايلها بشكل انيق و جرئ بنفس الوقت

وفيه شي بعد حبيت اذكره ,, غير عن النقشه
فيه موضه وجه الفهد او النمر على الملابس وغالبا التي شيرتات ,, انا صراحه اهواها جدا جدا ! واغلب تيشيرتاتي عليها وجه نمر



ياربي ,, وش اسوي
اذكر كل مانزلت للسوق واشوف تي شيرت عليه هالوجه الجميل الا اشتريه !
طبعا اذا كان حلو ,, والسنه الماضيه طاحوا كثير بهالنوعيه من التي شيرتات

بالعربي كل شي فيه leopard print انجذب له ! بس يكون حلو مو اي كلام !


نجي الحين للمصيبه !!
البشاعه والترقيع والنقشه الرخيصه

شوفوا معاي /




فزاعه !! ولا مستانسه بعد .. شايفين شلون التخبيص والبشاعه !
ولا كل قطعه اشين من الثانيه




جينا عاد للأنسات الثلاثه !
اكره هذي النقشه جدا جدا ! احس كأنه ثوب عجوز
( ايه على فكره تراهم يموتون على نقشه النمر و الفهد ! )




كلهم بشعين بس على الاقل اللي في النص من اليمين ارحم شوي
لكن فستان جينفر لوبيز اخخخخخ بس ,, شكله يجيب الصداع وعلى فكره ترا في يدها شنطه
بس مو واضح لانها ضايعه مع الفستان ولا نقشه حيوان ثاني بعد ! غلط فادح
والاخيره على اليسار .. شي مستحيل !! بشع بشع بشع
مارح اقول الا ثوب عجوز !!


نجي لشي ثاني مااحبه ابدا .. نقشه الفهد الملونه !!
يعني يضيع كل اناقته وجاذبيته لما يصير ألوان وخصوصا الاحمر الفاقع !!
لوك رخيص بكل معنى للكلمه



كلهم بنظري بشيعات ,, ألوان مع فهد بالنسبه لي X



ختاما ,, مثل ماذكرت انه جلد النمر مهو بالشهره الواسعه مع انه جميل جدا !
ولكن الفهد هو الطاغي
وتذكروا :

- لا للتطقيم ! سواء ألوان او غيره .. والاهم لا لتطقيم نقشات الحيوانات المختلفه .. قطعه واحده تفي بالغرض

- جلد النمر والفهد يدل على الشراسه و التوحش ,, فإن لم تكوني فتاة مسعوره ,, انسي الموضوع !

- جلد الفهد دائما موضه ولا رح ينقطع .. منذ قديم الزمان كان ولا زال وسيستمر !

- اختيار فقد القطع الراقيه و الجوده العاليه ,, والإبتعاد كليا عن القطع الرخيصه المبتذله !

- اذا كنت مراهقه ,, رجاء ابتعدي عن هذا الشي ! يوجد الكثير مما هو مناسب لسنك .

- يوجد الكثير من نقشات الحيوانات غير الفهود ,, مثلا الثعبان - التمساح - الحمار الوحشي
فإذا لم يناسبك الفهد ممكن تجربتهم .


~ ~

و يارب اكون قدرت افيدكم ولو بشي من معلومات او حتى متعه من موضوعي هذا
واتمنى مااكون نسيت شي ,, و ماحبيت اضيف اكثر حتى ماتحسون بالملل!


لكم حبي